Wonderboy Martin, Humihingi ng Suporta: "Samahan Ninyo Ako sa Pangarap Ko
BREAKING: Carl Jammes "Wonderboy" Martin, Pasok na sa Canelo vs Mbilli Undercard!
Kinumpirma na ni Carl Jammes WONDERBOY Martin ang matagal nang hinihintay na oportunidad sa kanyang career. Mapapasama ang pambato ng Ifugao sa malaking boxing event na MEXICO VS THE WORLD: Canelo vs Mbilli ngayong October 31 sa Riyadh, Saudi Arabia.
Makakalaban ni Wonderboy ang Mexican contender na si David Picasso para sa malaking bakbakan sa Super Bantamweight division.
Sa official Facebook post ni Martin 11 hours ago, emosyonal na nagpasalamat ang Wonderboy sa mga sumusuporta:
"Matagal ko na pong pinangarap ang pagkakataong ito, at patuloy akong nangangarap at nagtitiwala sa Ama kung saan Niya ako nararapat dalhin. Taos-puso po akong humihingi ng inyong suporta sa aking mga kababayan, mga kapatid sa pananampalataya, at sa buong komunidad ng boxing fans."
Dagdag pa ni Martin, "Maraming salamat po sa inyong tiwala, panalangin, at walang sawang suporta. HAGIYO! #TeamWonderboy"
Ano ang dapat abangan?
Malaking Stage: Hindi basta-bastang laban ito. Undercard ito mismo ni Canelo Alvarez vs Christian Mbilli para sa WBC Super Middleweight World Championship. Ibig sabihin, mapapanood ito sa DAZN worldwide.
David Picasso vs Carl Martin: Si Picasso ay isa sa mga rising star ng Mexico. Ito na ang pinakamalaking test para kay Wonderboy na may perfect record na 28-0.
Riyadh Season: Gaganapin ito sa Saudi Arabia sa October 31, kasama sa malaking boxing festival na inorganisa ng Saudi.
Para sa Pinoy boxing fans, ito na ang pinaka malaking break ni Carl Jammes Martin matapos ang matagal na paghihintay ng world title opportunity.
Abangan ang buong detalye ng laban dito lang sa Jawe Boxing World.
This embedded post is from Carl Jammes Martin - Facebook
