Tim Bradley Binanatan Si Shakur: Ginagaya Si Mayweather Umiwas
Mainit na naman ang boxing world matapos diretsahang banatan ni Tim "Desert Storm" Bradley si Shakur Stevenson kaugnay sa usap-usapang laban nito kay Manny Pacquiao. Ayon kay Bradley, may kinalaman daw si Floyd Mayweather sa planong ito.
"May Pakana Si Floyd Dito" - Bradley
Sa kanyang podcast, sinabi ni Bradley: "I already know Floyd got something to do with this!"
Paliwanag ni Bradley, mentor ngayon ni Shakur si Floyd Mayweather, at posibleng si Floyd ang nag-uudyok na unahan si Gervonta "Tank" Davis na makalaban si Pacquiao. Para kay Bradley, legacy move ito ni Floyd — gusto niyang si Shakur ang makauna na tumalo sa 8-division world champion bago pa si Tank.
Ang usapang Pacquiao vs Shakur ay balak isingit sa undercard ng Tyson Fury vs Anthony Joshua sa Cardiff sa 2026 sa ilalim ng Riyadh Season at Netflix.
Ginagaya Daw Ang Style Ni Mayweather Sa Pagpili Ng Kalaban
Bumanat pa si Bradley: "He picking up game. On how to duck the competition and fight the right competition at the right time."
Patama ito sa estilo umano ni Mayweather na pinipili lang ang kalaban sa tamang oras. Ayon kay Bradley, imbes na si Pacquiao na 47 anyos na at wala nang opisyal na panalo simula 2019 kontra kay Keith Thurman, dapat daw harapin ni Shakur ang mga nasa prime tulad nina Raymond Muratalla, O'Shaquie Foster, at Devin Haney na kapwa may hawak na titulo sa 135 lbs.
Hawak ni Shakur ang WBO lightweight belt at nasa kasagsagan ng prime, habang si Pacquiao ay magbabalik lamang matapos ang matagal na pahinga.
"Free Money Lang Habol Mo"
Pinakamatinding banat ni Bradley: "You just want free money. That's what it is."
Para kay Bradley, perang laban lang ang Pacquiao vs Shakur. Malaking pangalan pa rin si Pacman at tiyak na papatok sa benta sa Netflix, pero wala raw maidagdag sa legacy ni Shakur. "Ain't nobody waiting on no damn Manny Pacquiao and you to fight, boy," dagdag pa niya.
Ano Sa Tingin Nyo Mga Tol?
Sa kabila ng batikos, marami pa ring fans ang gustong makita si Pacquiao na lumaban sa mas batang henerasyon. Ngunit para sa mga purista tulad ni Bradley, mas dapat pagtuunan ni Shakur ang unification sa lightweight division kaysa sa laban kontra alamat na 47 anyos na.
Sang-ayon ka ba kay Tim Bradley? O gusto mo pa ring makita si Manny Pacquiao vs Shakur Stevenson? I-comment mo sa baba!
